شباب اليوم

ماقلتها والله والله غيبه
معذار للي يقبل العذر ياذيب

في الوقت الأول والشباب الأديبه
عن المجالس دايم الدوم ماتغيب

شباب في وقت الطلب نعتزيبه
يازينهم وقت الطلب والمطاليب

اليا نخيته عز من ينتخيبه
وليا تكلم كل كلامه أديب

تلقى المروه والشرف من نصيبه
راع كرم مافيه شكً ولاريب

ساير على دروب الرجال الحبيبه
اللي مجالسهم زعامه وتهذيب

اللي مجالسهم شرف نقتديبه
شباب سارو في طريق المعازيب

أما شباب اليوم ماينغزيبه
شباب همز ولمز والهرج تركيب

حالة شباب اليوم والله عجيبه
لن قلت هذا عيب ماتعرف العيب

قالوا شباب وقلت والله مصيبه
شباب ماهي عارفه للمواجيب

تقليدهم للغرب والله غليبه
قصات شعر ولبس كله عذاريب

وإن جاء المجالس كنه يشوف ريبه
ماكنه الامصلب فيه تصليب

حتى يجي من ينقذه ويغديبه
يقول شبت اليوم قدام لاأشيب

وده يعمر والسيجاره في جيبه
وده يعمرها قليل الهناديب

كنه يحسب الناس ماأحد دريبه
مايحب يجلس في مجالس هل الطيب

يشوف عيب الناس مايشوف عيبه
كنه مقفل فوق عيبه دواليب

الله يروف بحاله ويعتنيبه
مغامرات الوقت عنده وتجريب

ماحاسبه لكنه الله حسيبه
لن قلت صل يقول بعد أني أشيب

لو مامعه في الجيب مايشتريبه
الثوب يسحب والعمانه مرازيب