الدردشه بين الجنسين ..

.......................

السلام عليكم جميعا... بشوف اليوم في موضوع مهم كثير وفي اختلاف اراء وتناقض حتى بين كل واحد ونفسه بالنسبة لهذا الموضوع عالاقل انا بحكي عن نفسي... انا شخصيا ما بحب اني افوت على مواقف تعارف وانهيت حتى الثانوية وما بعدها بسنة وانا ارفض رفض تام اني افوت عالمواقع لاني كنت اخاف على نفسي ان التهي بهالاشياء او اني اتغير نوعا ما...انا ولا مرة فتت عتشات في مواقع او انه يكون عندي فيس بوك ولا حتى بفوت منتديات باستثناء هذا المنتدى ..اما الماسنجر فانا بتعامل معاه يعني بشكل عادي مش اكثر ولا عندي هدف ابدا يكون عندي علاقات عاطفية... لاني بعتبر الماسنجر شي خاص نوعا ما اكثر من غيره و95 فالمية من اللي بحكي معهم بعرفهم مسبقا والباقي هم ناس عرفتهم والعلاقة بيني وبينهم علاقة عادية فيها احاديث عادية نقاشات معينة مش اكثر وهذا لاني الحمد لله واعية كفايه اني احط لحالي حدود بثق فحالي اني ما رح اتعداها
بالنسبة لاسئلتك عن معرفة الاهل
فانا اهلي ابوي وامي بيعرفوا اني بحكي عالماسنجر وهم اكيد بخافوا علي ومرات اذا بشوفوني وقتا زيادة بقولوا لي خلص بكفي قعدتي كثير....يعني باسلوبهم.بس هم مطمنين كثير لانهم بيعرفوا ايش ربوا وانا لما اكون فايته عالماسنجر اغلب الاحيان بكونوا حدي وزي ما بقولوا"كل واحد بيعرف ايش في تحت ايداه"فالحمد لله انا عند ثقتهم.
هل يمكن أن تكون هناك صداقة بريئة بين الشابّ و الشابّة في المنتديات و "الشات" و "المسنجر"؟
ممكن تكون بريئة لا تستغربي ومش بالضرورة كل علاقة بين شخصين تكون حب بس من ناحية ثانية في احتمال تتطور العلاقة بس كل واحد بحط لحاله الحد.

2- هل استخدام كلمة "أخي" أو "أختي" في بداية الكلام يعطي تصريحاً للمزاح و الدّردشة و التنكيت بعدها؟
كلمة اخي او غيرها لا تعطي تصريح لاي شيء خطا خارج عن الادب او عن المعقول النكات والمزح وكل شي له حد معين وبيتعلق بالشخص اللي بتحكي معاه

3- و هل قول "سبحانك اللهم و بحمدك أشهد ألا إله إلا أنت أستغفرك و أتوب إليك" في نهاية الدردشة يعطي تصريحاً للفتاة أن تضحك و تدردش و تنكّت مع الشباب قبل أن تقول ذلك الدعاء؟ أليس الاعتياد على ذلك استهزاءً بهذا الدّعاء؟
هذي الاسئلة مش ملايمة دايما وفيها نوع من المبالغة يعني الدعاء هذا ما بغطي شي او ما ببرر موقف معين وانا بشوف انه اللي مزودها وما رح ينهيها بدعاء!!!


ألم يحن الوقت لنراجع أنفسنا؟
اذا حد غلط باستخدام التكنولوجيا ووصل لمراحل مصتعصية ولقي انه ما قدر يحافظ عمبادءة بمجرد دخوله على دردشة او ما شابه.. فهو ما رح يقدر يحافظ عليها فالحياة العادية يعني كل واحد بيتعامل باصله وبتربايته في امور كثيرة بنقدر نسويها عن طريق هالمواقع ندردش ونحكي حكي مسخره ونحكي تلفونات ونلتقي حتى وما حد يشوفك بس هذا بيرجع لكل شخص قديش هو مربا وقديش بيقدر يحافظ عحاله ... فاللي غلط يراجع حاله فالسيف له حدين...

مشكوره اختي بنت عز على ردكي واجوبتكي المتكامله ..

وصدقتي في قولك ان كل شخص بيتعامل باصله وبتربايته !

ما زلت في انتظار الردود ..