إختبار روعه على خمسة قرود وحال العرب اليوم

اول شي مشكورين امبراطور وخنساء على مروركم وردكم
بس بش المهم هني المقارنه بين البدو والقرود ... عجبني هذا
الاختبار فانا شفت انا أحنا البدو مو بعاد عن تفكير القرود !!!
يعني زي ما قالت الخنساء في عندنا عادات كثيره بس للأسف
ما حد بيعمل شي علشان نغيرهن ....عنجد خساره لأن في اعتقادي
اليوم احنا صرنا اكثر واعيين ومو لازم نظل متمسكين بعادات
ما لهي ايا صله في الدين !!

اسمعني الرسول عليه الصلاة والسلام قال "غربو النكاح"
البدو من ايام جدك وجدي ليومنا هذا شبه مستحيل انه يجوز
بنته لبعض من الناس بس مجرد لأنهم من عشيره ثانيه !!!
البدو من ايام جدي وجدك وهم بيقودو على بعضهم في الفروح
أقل شي راس سمار ولا بياض ... انا معك ان هذي عاده كويسه
بس اليوم الحلال غالي وعندك كل اسبوع افل شي فرحين يا ثلاثه
يا رجل الواحد صار ما يقدر يمشي يبارك في فرح واحد من اصحابه
علشان ما معه حق قوّد ولا نقوط ....
لليوم في ناس بيجوز بنته لولد عمها بدون ما يسألها عن رايها
يا رجل مرات بيجي واحد بيخطب بنت , ابوها وامها وهي واخوانها
موافقين عليه لأنه شب ملتزم ومتدين , وبعدين بيجي ولد عمها يتبدى
رغم انه ما بيسوى قشرة بصله !!! طيب وين أحنا من قول الرسول
صلى الله عليه وسلم " لا يخطب احدكم على خطبة اخيه" !!!
إذا ما اكتفيت بهذا الحد خبرني وانا راح اكمل لأنه عندي كمان مليان
عادات عندنا احنا البدو اللي بيتناقض ديننا وبتغضب الله

معك حق في انو عندنا عادات وتقاليد كويسه اخي امبراطور بس بتنعد على الاصابع العادات الكويسه !! وما اكثرها من عادات سيئه صح اجدادنا ما كانوا يشربون الخمر بس كانو بقدسو شي اسمه مقام لشيخ ودرويش وفداءا لهذا الصالح بيذبحو له !! وهذا لندل بدل على الشرك في الله ! يعني رجعنا لزمن ابو لهب !وكمان من هالعادات السيئه ولليوم ما زالت مثلا ازا بتصير طوشه وانقتل فيها شخص ومعروف ان القاتل يقتل اما احنا بنمشي نطخ واحد ما له ذنب في الطوشه ولا بيعرف عنها يعني قتلنا روح بريئه علشان نستد!! وباالله عليك هاي مش عاده من عادات اجدادنا او بالاحرى عادات الجاهليه ؟؟ طايب مثال اخر على قبح عاداتنا السيئه وكثير بتصير بس محد معطيها اهتمام يمكن ما تحطها في ميزان العادات بس من كثر ما صارت صفت انها تكون عاده عندك لليوم زلام ازا مرته بتخلف بنت بجنن جنونه كأن البنت عار ! وبيمشي عالطول بدون تفكير يتجوز عليها ليش؟؟ لان مرته جابت بنت كان مرته هي اللي تقرر تجيب بنت ولا ولد ؟؟ طايب لو كان عندنا دين وبنعرف الشريعه كويس ما كانا بتفكر بهاي الاشياء بالمره وعارفنا انو الله هو اللي بخلق ما يشاء .. وكمان قصه انو البنت تتجوز برا معو حق اخي ابو كرم اليوم الوضع تغير شويه بس قبل معروف بظلم البنت يعني وهي بترعى مع الغنم بجو عليها وبياخذوها لبيت جوزها وهي ما بتدري على وين رايحه!! وهذا باالله عليك عاده كويسه ؟؟ ليش البنت مش بنادم من روح ودم نسالها بالاول قبل لتتجوز الشخص ازا كانت موافقه ولا لأ؟ ولا هي ممسحه فالبيت ما لازم تسال ولا تبدي رايها وعالفكره لليوم بعض القبائل موجود في هالشي بس عن طريق حضريه شوي يعني ما بيجوزها وهي بتعرف انما بقولو انتي لولد عمكي ولد عمكي لكي وممنوع تناقشهم في الموضوع .. وبتلاقي كمان في شباب برحو يزنو ويمشو بالحرام لانه ناقص عندهم الشعور بالحريه في الاختيار .. يعني عارف الشب انه لبنت عمه بس ما بقدر يزعل ابوه وقول لا انا ودي اختار لحالي .. وكمان ازا جا شب من برا يعني من فصيله الحمران او التياها وشب ملتزم وعلى خلق ويوافقو اهلها بجيك ولد عمها يتبدى يعني الها 20 سنه او 25 سنه عند ابوها ما شفتها الا لما جا الشب اللي من برا يخطبها ؟؟؟ صح ابراهيم شبابنا تربيتهم غلط لان اهليهم ربوهم على نمط اجدادي واجدادكم وربوهم على العادات والتقاليد ولما وعي الشب عالدنيا صار يطبق هاي العادات بسلوكيات تحضيريه اللي هي اسوا من عادات وتقاليد اجدادنا ... العيب زي ما قلت فينا مش في الزمن بس احنا ربونا عالعيب وعالغلط ولما نجي نغير واقعنا للاحسن بحطوك انك شخص وقح وبقومو عليك القيامه فصعب اليوم تغير شعب باكمله اتربى على العادات والتقاليد غلطان اللي اليوم بقول لا احنا البدو اتحضرنا شويه صح اتمشينا عالموضه وعلى مجراة العصر بس بينا وبين انفسنا بنضل عالقين ما بين تخلف وما بين تحضر ومش عارفين احنا باي طريق ماشيين ... لو كنا بنمشي على شريعه الله ما كان عندنا نبي بدوي بدعي انه مرسل من الله ؟؟ ياااا ابراهيم احنا ما بنمشي على سنة الله ورسوله بس بنمشي على عادات وتقاليد جاهليه ..لو طبقنا الشريعه الاسلاميه والله كانا بالف خير .... بس للاسف بنعرف الله وبنعرف الرسول وبنصلي وبنصوم بس عندنا الشرك بالله واحنا بنفكر هالشي صح! "وان الاعرابي اشد كفارا ".. وانشالله لقدام بجبلك كمان عادات فينا كلها غلط في غلط وبكتبها لك .. وبمتنى تكون فهمت ايش القصد من وراه اللي كتبته ..