شعر مميز.دمعه

وش صار يعني لو بكت عيني عليك ؟؟
ياللي قِضى عمري وانا همّي رضاك
لا مات قلبي منك والّا مات فيك
ماظنّ يا نبض الغلا تفرق معاك






الدّمعه اللّى على وجه الورق طاحت
ما كنّها الّا شموخي طاح من عيني


عدّت حدود الألم والهم واجتاحت
صدري وغارت على جملة شراييني



ما كنّها الّا بصوت الجرح لك صاااحت
وما كنّك الّا سمعت وما تلبّيني



هي عبّرت عن عظيم الشوق وارتاحت
لا كنّها ضيّعت باقي عناويني


لاهي شفت خاطر اوجاعي ولا باحت
شف كيف قلبي معلّق بينك وبيني


ما دام قدام عينك يالغضي راحت
لا ردّها الله ولا اْبغى من يواسيني


دمعه بعيني ثقيلة دمّ وان زاحت
والّا انت ودّك على حالي تبكيني


قمْ ريحة الحزن من ثوب الأمل فاحت
طالبك ما عاد يمدي لا تمنّيني


با حاول انساك لو ذكراك بي ناحت
واغفا ثواني دخيلك لا تصحيني


وان شفت صورتك في عين الوله لاحت
صحّيتها قبل ما شوقي يصحيني


وانت انتظر شمس صبر كل ما ضاحت
واسأل بقايا دفاها وش بقا فيني؟؟


ما غير دمعه ومن زود الغلا طاحت
يعني خلاص انتهينا لا تناديني مهداء الى جميع الاعضاء.تحياتي *****عامر*****

يسلمووووووووووووووووو روعه

مشكور أخ عامر على ما ابدعت

ننتظر المزيد

دمت بود

روعه ما قدمت

تقبل مروري البسيط

اسعدني مروركم اخواني واخواتي.