من طرف أشْرَب احساسك ظلام و تشرب اعيوني دروب
و آتناثر لك عذاب و فيني جرحك سرمدي
كِنت اشدّك اب/ يديني و الأمل بْ طراف ثوب
ِرحت عنّي و المصيبه , راحت ابثوبك يدي
ليه جرّيت المدينه وانتْ وجْهاتك هُروب ؟!
ليه تترك لي بقايا مُوحشه وعالم ردي ..؟!
ليه تهجرني و ترحل ؟ انت تدري فيك اذوب
ليه تسلبني حياتي .. تذبح بعيني اسْعَدي؟!
اكسب ابيمناك أجر بخافقي " مرّه و تُوب
ناظر ابعينك جروحي نزْفَها توّه نديّ
ليه تتركني و تملا كتفك الأيسر ذنوب ؟!
و آنا من قَدّمْت عمري لك قرابين وهَديّ
و الله انّي كنت احبّ و ما احسّك بالقلوب
غير طفل ٍ ما ولدته بسّ شافوك اوْلِدِي
اغمّض اعيوني عليك , اموت لا هبّ الهبوب
خاف لا يوجَعْك شي ٍ وانت ساكن بجْسِدِي
جيت ادوّر بك أماني في مساحات الحروب
ليه ما مدّيت كفّك مثل فارس واجودي؟!
قَفْلة ايدينك لبابك جرّعت وجهي شُحوب
علّمتني وش تقول الأرصفه لرجِل تعَدِي
شِفت رسم الذلّ يتشكّل على وجه امْغَلوب ؟!
ناظر بوجهي و تعرف كيف كنت المعتدي
للغياب المُر ّ برْحَل | شمس في حزّة غروب
وانت تِبقى لك قصايد مع رصيدي الأبجدي
باكر بتذكر إلانّهْ مرّتَك (( ريح الجنوب ))
كم خَسَرْته قلبي اللي كان عشقك مِرْتِدي
» تهنئه بمناسبه عيد الاضحى المبارك
» اسباب لاجلها البنات يحسدون الشباب ....أدخل وشوووووووف
» بهدوء واحترام السلام عليكم
» كيف يحب الرجل..
» في خاطري كلمه ويمكن تبكيك!
» الف الف الف مبروك ل ابو كرم
» الاعضاء الاعزاء صباحكوا روعه
» الشيخ رائد صلاح